Autor ta regala biblioteca 3 publicacion

ORANJESTAD (AAN):  Autor Julien Ignacio a regala biblioteca 3 publicacion. Esakinan ta ‘Goudjakhals’, ‘Kus’ y ‘Dat wij zongen: twintig Caraibische schrijvers om nooit te vergeten’.

Ignacio a debuta na 2018 cu e storia ‘Kus’ cu tin como tema, e relacion entre tata y yiu homber.

            Na 2023 ‘Goudjakhals’ a sali riba mercado. Un novela completamente diferente. E biaha aki e autor ta trece e buskeda pa libertad for di e perspectiva di e stranhero. Un storia cu diferente perspectiva y contradiccion politico y social.  

            ‘Dat wij zongen’ ta un compilacion di storia selecta pa Julien Ignacio, Raoul de Jong y Michiel van Kempen. Den publicacion aki 20 autor contemporaneo ta conta algo di un autor Caribeño clasico cu a inpira nan.

             ‘Dat wij zongen’ tin contribucion di: Roberta Petzoldt, Ken Mangroelal, Astrid H. Roemer, Daphne Huisden, Gershwin Bonevacia, Tommy Wieringa, Antoine de Kom, Eric de Brabander, Ruth San A Jong, Tessa Leuwsha, Alfred Schaffer, Chris Polanen, Michael Tedja, J.Z. Herrenberg, Rihana Jamaludin, Marian Markelo, Milouska Meulens, Dean Bowen, Karin Amatmoekrim, Shantie Singh y Sanneke van Hassel.