Autor Ralph Cantave a bishita Klas 3A di Colegio Conrado Coronel

ORANJESTAD (AAN): Festival di Buki pa Mucha ta un momento cu hopi alumno na Aruba ta encanta. 

Pasobra ademas di e enfoke na Biblioteca, varios scol rond di e isla ta ricibi bishita di autornan di bukinan, cu ta bin conta un tiki mas di nan trabao.

   Pesey tabata un momento di alegria, ora cu Juffrouw Minouska y Klas 3-A di Colegio Conrado Coronel a ricibi bishita di e autor Ralph Cantave.  Su forma di conta storia y duna informacion a cautiva e atencion di e alumnonan.  Pesey na final nan a duna un monton di danki na señor Cantave pa su bishita y atencion presta na nan.

   Ralph Cantave ta un escritor Caribense, empresario, y profesional di media kende a nace na isla di St. Martin.  E ta un persona cu ta fenomenal dilanti un publico, como un presentador y orador hopi destaca.  Su ultimo buki ta yama “Soualigan Tales: Steve Takes a Stand”.

   Lesamento ta algo cu semper lo ta balioso pa tur alumno na Aruba!  Percura pa bo yiu semper tin buki pa lesa na cas.