Aruba Bank a activa ‘Sentoo’ pa pago local na Aruba

Haciendo donacion na Fundacion Ban Uni Man pa Cria Nos Muchanan…

• Cu e App mes di Aruba Bank por haci pago cu Sentoo 

ORANJESTAD (AAN): Siman aki, Aruba Bank ta anuncia e activacion oficial di Sentoo pa pago local na Aruba. Esaki ta un colaboracion cu ta revolucionando manera con negoshinan y clientenan ta haci transaccion a base diario.

   Pa celebra e ocasion special aki, Aruba Bank a haci un donacion na fundacion ‘Ban Uni Man Pa Cria Nos Muchanan,’ cu ta aporta na nan pilar di “We Care, We Build”, pa asina promove y duna un man na iniciativa local den nos comunidad. E gesto aki ta pone enfasis riba Aruba Bank su compromiso pa comunidad, alaves ta demostra cu e tecnologia nobo cu Sentoo ta ofrece ta facil pa uza.

   Forma nobo: Empoderando Negoshinan cu Transaccionnan mas Facil y Rapido, pues negoshinan cu tin un cuenta di negoshi na Aruba Bank ta cualifica automaticamente pa pago via Sentoo. E integracion cu Sentoo ta simpel, permitiendo negoshinan pa adopta e solucionnan innovativo di pago di Sentoo rapido y facilmente.  Esnan cu tin negoshi bay na e website:

www.bit.ly/negsentoo

   Haya sa con pa bira un negoshi usuario di Sentoo y haci uzo di e solucionnan innovativo di pago, bishita e website di Sentoo awe mes.

   Mehora Experiencia di Consumidornan: Clientenan di Aruba Bank por haci uso di Sentoo, ora di paga na negoshinan cu ta parti di e programa di pago di Sentoo. Pa mas informacion, clientenan por bishita e website aki:

www.bit.ly/auasentoo

   Tur cliente di Aruba Bank cu haci un donacion via Sentoo di 5 Florin na Fundacion ‘Ban Uni Man Pa Cria Nos Muchanan’, entre e periodo di 7 di November 7 te 22 di November, ta participa pa gana 250 Florin.

    Bishita e website menciona aki riba, pa experiencia con facil e ta pa haci un pago via Sentoo. Alavez, bo ta contribui na un bon causa, door di yuda recauda fondo pa ‘Fundacion Ban Uni Man Pa Cria Nos Muchanan’. E fundacion aki ta yuda duna desayuno na muchanan den necesidad, na scolnan di kleuter, scol primario y scol secundario.