Autor Claudia Daher Ponson a presenta su buki nobo na Biblioteca Nacional Aruba

ORANJESTAD (AAN): Diadomingo ultimo, Autor Claudia Daher Ponson a presenta su buki nobo y profundamente interesante na Biblioteca Nacional Aruba.

 ‘R.A.T.S.’ (Revolutionary Army of Teens): We are one (e slogan di e buki)- ta un buki skirbi cu e meta pa trece un mensahe bunita di union y paz especialmente pa e hubentud.

   Segun Señora Ponson, hubentud tanto na Aruba como rond di mundo ta sinti e impacto di un era cu ta cambia na un ritmo halto y a cuminsa perde balornan tradicional familiar. Inteligencia artificial ta avansando sin stop, y e situacion di guera y otro conflictonan global, tawata su inspiracion pa skirbi e buki aki. Den e storia di e buki, muchanan di tur background, independiente di nan religion, color y status social, ta uni forsa pa hunto lucha contra tur malo y salba e mundo y kibra tur diferencia cu ta existi y cu ta dividi nos. 

   Un buki sumamente interesante cu ya ta disponibel na Amazon di tur parti di mundo. Parti di e placa di e buki, ta bay pa un fundacion di Nostra Aetate cu ta dedica pa combati guera y stimula paz, amor y union, sin destingui religion y rasa.