Apertura Rotonde di Mama Rosa cu luz na Piedra Plat

Un tradicion den e temporada di mas dushi di Pasco y Aña Nobo

ORANJESTAD (AAN): Un biaha mas, Rotonde di Mama Rosa a bira un atraccion di luz y actividad mas den e temporada dushi aki di fin di aña. Despues di a traha duro pa decora y drecha e luga, siman pasa a cende luznan. E a aña aki a scoge e tema ‘Gingerbread’ y por a nota diferente adorno grandi y chikito cu e tema aki. Manera costumber, tawata tin dushi ambiente musical y diferente otro atraccion na unda grandi y chikito por a gosa henter anochi.

   Mama Rosa a splica cu ya a bira un tradicion den e temporada di mas dushi aki pa dorna, sende luz y trece actividadnan na Rotonde di Mama Rosa pa duna ambiente di Pasco y Aña Nobo na tur bishitante cu ta bishita.

   Mensahe di Pasco y Aña Nobo di Mama Rosa pa Aruba: Ban ta cauteloso y cuida. Ban respeta otro. Jesus a nace pa nos tin amor y respet y sin esakinan, no tin nada pa nos. Cada persona mester respeta su mayornan y tur otro hende. Ban bek na e tradicion cu a bay perdi. Ban bishita cas pa cas, ban bishita famia pa brinda hunto y desea otro Bon Pasco y Feliz Aña Nobo. Esaki ta mas principal”.

   Tur hende ta invita pa pasa wak e bunita Rotonde di Mama Rosa. Tur dia e luznan ta cende di hopi tempran caba y ta paga te laat anochi.