Auto a bolter den Ranchostraat

ORANJESTAD (AAN): Ta masha poco biaha autoridad ta haya nan mes confronta cu auto ta bolter den un caya asina smal.

  Pero esey ta loke a socede Diadomingo atardi den Ranchostraat.

   Esaki ta mesun caya banda di Kowloon Restaurant bay pabao.  Chauffeur di un Chevrolet Aveo color shinishi cu number A-27921 pa un motibo desconoci a bay dal contra un auto staciona.

   E impacto combina cu e angulo cu el a dal, cu e wiel a mishi cu e body, a pone cu el a bay di banda y bolter.

   E chauffeur a haya un herida grave na su man, cu a keda sangra bastante.  Tanto Polis como tambe Ambulans a wordo manda eynan pa asina controla e situacion, y brinda asistencia na e persona cu su man corta, cu tabata sangra profusamente.