Ateliers ’89 Punto di Beyas Arte Aruba cu un workshop especial pa luna di Augustus-September

ORANJESTAD (AAN):  For di Dialuna 16 di Augustus te cu Diahuebs 9 di September 2021, e artista di arte contemporaneo Jess Wolff a.k.a Luna d Wolff lo ta e anfitrion di e workshop aki ARTE PA BISTI na Ateliers ’89.

            E workshop lo bay ta di Dialuna pa Diahuebs pa cuater siman largo na Dominicanessenstraat 34 Oranjestad Aruba. Jess Wolff lo guia y instrui cada participante pa asina nan por crea arte pa bisti cu tin di haber cu e tematica di medio ambiente na e isla.

            Den e workshop di arte aki Ateliers ’89 hunto cu e  maestra lo desafia cada participante pa crea arte 3 dimenciónal, cu tambe por wordo usa riba bo curpa. Usando ambos material tradicional y no tradicional, e alumnonan lo explora tecnicanan di escultura y conceptonan tematico, siñando pa manipula y transforma materialnan den un manera creativo.

            Wolff lo kier stimula cada participante, door di duna nan un manera di traha cu lo motiva nan pa asina nan por sigui elabora nan concepto pensa.

            E workshop lo promove un metodo na moda cu lo ilustra e importancia di reciclahe y mantene un manera sostenible organico pa crea arte den un forma pa bisti. Jess Wolff lo guia e proceso di e diseñonan y transforma nan den caracternan teniendo un storia. 

            E lo desafia e ideanan controversial di moda door di usa calidadnan performista pa presenta e caracterisacionnan aki cu lo resulta den obranan di arte pa bisti. 

            E resultado di e diseñonan final lo wordo comparti cu e comunidad amante di arte den un SHOW DI ARTE PA BISTI, presenta Diahuebs 9 di September pa 8pm na Punto Di Beyas Arte Aruba. Bo ta cordialmente invita pa  participa na e workshop aki cu lo introduci e studiantenan na e area contemporaneo di arte pa bisti.

            E workshop aki ta pa cuater siman.