ORANJESTAD (AAN): Cruz Cora Aruba ta preparando algo hopi special pa nos grandinan (65 plus) na Aruba.
Cu hopi entusiasmo y energia, y cu tur medida di prevencion, ta anuncia Expo 2021! Biba Bida, den su rol di organisa actividadnan educativo, recreativo y di movecion pa esunnan di 65 aña of mas ta trece un atardi cu hopi topico informativo pa e invitadonan.
E Expo 2021 ta tuma lugar na Aruba Surfside Marina diamars 24 di augustus, 2021 entre 6.30-8.30pm.
Con pa Participa?
Por busca un ticket di entrada GRATIS na:
Cruz Cora Dakota, Pedro Gallegostraat 14, Dakota
Entre 9 – 23 di augustus, mientras tin den stock
Cruz Cora San Nicolas, Lagoweg 36
Entre 9-23 di augustus, mientras tin den stock
Topico y Actividadnan:
Sala A (Max. 15 persona)
6.30 pm Reumatologo, Dr. Rellum (Nos grandinan y reuma)
7.05 pm Specialista di stoma, tripa y higra, Dr. Franca (Cancer di Tripa)
7.40 pm Reumatologo, Dr. Rellum (Movecion cu reuma)
8.15 pm Nutricionista, Sra. Iraida Thijzen
Sala B (Max. 15 persona)
6.30 pm Higiena personal na edad halto pa Marieta Wanopa
7.15 pm Wilhelmina Kanker Fonds
8.15 pm Sea consciente! pa Janine Rodriguez
Sala C (Max. 15 persona)
6.30 pm Nos matanan y nan beneficio pa salud, pa Joswan Wernet
7.05 pm Aruba Heart Foundation
7.40 pm Nos matanan y nan beneficio pa salud, pa Joswan Wernet
8.15 pm Con nos ta prepara pa horcan, pa Cruz Cora Aruba
Gazebo (bisti comodo pa participa!)
6.45 pm Transition 2 Health cu yoga, stretching y fysiofit
8.00 pm Qi Gong pa Centro Quivit cu Sofie
Tambe tin varios booth informativo pa nos grandinan:
1 Touch Response
Fundacion Hospice Atardi
Stichting Zilverzorg
Trinity Aruba
Cruz Cora Aruba (tuma presion y glucose)
Wilhelmina Kanker Fonds
Aruba Heart Foundation
Fundacion Movemiento ta Bida
Foot Reflexology cu John y amigonan
Cruz Cora/Biba Bida kier gradici tur cu mesora a reacciona positivamente y confirma nan presencia pa haci un atardi asina pa nos grandinan.
Biba Bida ta pidi nos grandinan cu ta interesa pa bin e Expo aki, pa por fabor pasa busca ticket na nan branchnan entrante dialuna. Cupo ta limita, asina ta, no tarda!
