Asina tabatin ‘loldag’ riba ultimo dia di scol na Colegio Arubano

ORANJESTAD (AAN): Semper riba e ultimo dia cu examencandidaten na Colegio Arubano ta haya les, a bira conoci como ‘loldag’ unda ta haci pret.

   Na comienso a haci esey cu tiramento cu blaas di awa, pero despues di tempo esey a wordo prohibi.  Pero awor e estilo ey tey bek, y awor e ‘loldag’ a wordo cambia pa ‘dia di blaas cu awa’.

   Un cantidad di studiante a presenta na scol cu diferente tipo di ‘Super Soaker’ pa asina bo muha otro hende cu awa.

   E ambiente tabata fenomenal, y hasta un Waterspuit di Cuerpo di Bombero a bin trece mas ambiente, y e oficialnan aki a yuda pa asina ofrece un baño refrescante di awa pa e studiantenan.

   Manera ta conoci, e di segundo tanda di Examen a finalisa, y awor ta sperando resultado pa Dialuna 1 di Juli 2024.  Vakantie di scol mes ta cuminsa Diahuebs 11 di Juli venidero.