Asina pueblo y demas musiconan a despedi di Etty Toppenberg

ORANJESTAD (AAN): Diasabra merdia a tuma lugar na Aurora Funeral Home riba Watty Vos Boulevard,

e acto di despedida di e legendario musico local, Etty Toppenberg.  Un cantidad grandi di persona a acudi pa asina rindi homenahe, y bisa ayo na e gran yiu di tera aki.

   Asina a haya oportunidad pa condoleer famia- y e amigonan mas cercano di Etty, kende a wordo bautisa cu e nomber di Alex Edward Toppenberg.

   Publico a haya chens di condoleer ruman-, sobrino-, y primonan.  Tabatin homenahe musical tambe den sala di Aurora Funeral Home, cu sigur lo a laga Etty keda satisfecho cune.  Su caha mes tabata tapa, pero rondona pa monton di flor, y un di su bunita potretnan cu e sombre riba su cabez.

   Despues di esey, a sigui un momento cu famia so pa e proceso di cremacion.  Riba combinacion di potret por mira mas di e acto di despedida.