Historia di turismo na Aruba ta bisti di gala na aña 2019.
Na September 2019 ta recorda cu 60 aña pasa e prome hotel di luho ( High Rise ) a habri su portanan na Aruba.
Despues di hopi discusion, sondeo y raport traha ta cuminsa cu e construccion di Aruba Caribbean Hotel & Casino.
E diseño di edificio tabata den man di Morris Lapidus, un arkitecto masha exigente y exclusivo.
Na 1963 (59 aña pasa) durante un competencia pa e mihor bartender di Aruba ta nace e bebida mundialmente famoso Aruba Ariba traha pa Juan Tromp cu ta e bar manager di Aruba Caribbean Hotel & Casino.
Cu tempo e hotel a cambia diferente operador y nomber entre otro pa The Golden Tulip.
Na 1999 e grupo di Radisson Hotel a cumpra e hotel y haci reapertura na aña 2000 cu un facilidad di 354 camber.
Na 2015 un consorcio di inversionista local ta tuma e hotel y hunto cu Hilton Hotels ta opera e hotel den un edificio di mas cu 60 aña
Hilton Aruba Caribbean Hotel ta continua cu e leyenda di : The Grand Dame.
Compila pa Roberto Croes
Nos Historia Nos Herencia
{gallery}E prome hotel di luho (Highrise) cu a habri na Aruba{/gallery}
