Asina entrepreneurnan hoben di Caribe ta redefini inovacion regional

Futuro di Caribe Hulandes ta den bon man

ORANJESTAD (AAN): Recientemente Universidad di Aruba tabatin e privilegio di ricibi na su campus, e Secretario Hulandes di Estado Eric van der Burg, hunto cu señora Barbera Wolfensberger, Gerbert Kunst, Ministro Geoffrey Wever, y Ministro Gerlien Croes, pa un bishita di Programa di Startups di Reino (KSP).

   Durante algun discusion di mesa rondo yen inspiracion, cinco team di studiante di Aruba, Corsou y St. Maarten a comparti ideanan inovativo pa elabora riba algun di e retonan mas grandi di e region, for di sostenibilidad y energia renobabel, te na maneho di desperdicio y desaroyo hubenil.

   Nan pasion, creatividad, y mentalidad di entrepreneur, a demostra e potencial increibel di siguiente generacion di agentenan di cambio den Caribe.

   E programa di Kingdom Startup ta un programa entrepreneur di seis siman den verano, cu ta reuni studiantenan ambicioso di Universidad di Aruba, Universidad di Curaçao, y Universidad di St. Maarten pa comberti ideanan inovador den proyectonan di gran impacto via di colaboracion, di mentoring, y siñamento practico.

   Tur esnan na Universidad di Aruba, ta orguyoso di sostene iniciativanan cu ta empodera e hobennan entrepreneur y ta fortalece e colaboracion regional, contribuyendo pa construi un futuro mas sostenibel y prospero pa e islanan aki.