ORANJESTAD (AAN): E aña aki Aruba Scholarship Foundation (ASF) ta continua cu otorgamento di beca na
e studiantenan cu ke sigui un estudio den exterior na un instituto di enseñansa superior. E becado sinembargo mester cumpli cu e rekisitonan fiha pa ASF, segun Formulario 2026/2027.
Cada aplicante por tuma contacto cu Aruba Scholarship Foundation riba e adres aki di ASF:
This email address is being protected from spambots. You need JavaScript enabled to view it.
Di e forma ey por ricibi mas informacion y pidi e formulario pa aplica pa beca, esta ‘ASF Application 2026’. Mester entrega e documentonan rekiri den e formulario prome cu 15 di Augustus 2026 na e mesun email adres ariba menciona.
Aruba Scholarship Foundation tin varios criterio ora e ta evalua e documentonan ricibi di e candidatonan. Esaki ta conta tanto pa e candidatonan nobo como pa esunnan cu ya tin beca di ASF. Un di e criterionan cu ta pisa hopi cerca ASF ta e necesidad berdadero di ayudo financiero. P'esey e studiante mester por demostra esaki tambe ora e yena e formulario. Aruba Scholarship Foundation ta tuma varios factor di e parti financiero na consideracion. Por ehempel, gasto di estudio, entrada realmente disponibel di e famia vs e disponibilidad di fondo di otro fuente manera, Fianza di Estudio di gobierno (Arubalening). E organizacion tambe ta tuma den consideracion loke e candidato mes a y ta haci pa yuda su situacion financiero.
Ta importante y hasta logico cu e instituto di enseñansa y e estudio mester ta reconoci (acredita) den e pais di estudio.
Si e studiante mester di mas informacion tocante e estudio cu e ke sigui of e instituto cu el a scoge, semper ta consehabel p'e acerca Departamento di Enseñansa pa guia profesional Tur studiante cu haya beca mester compromete su mes cu e ta bin traha na Aruba pa mes prestacion na scol secundario, tanto aña cu el a studia Cu beca di ASF. Tambe ta importante pa e studiante tin un bon prestacion na scol secundario, por ehemplo na HAVO, VWO, EPI, etc.
Nan ta menciona tambe cu Aruba Scholarship Foundation ta un institucion completamente independiente y no ta afilia na niun otro organizacion. Su sosten financiero ta bin di contribucion di e miembronan di nos comunidad, manera di comercio, profesionalnan y otro persona cu ta comparti e vision di un Aruba miho prepara pa futuro. Directiva di ASF Foundation ta traha completamente Pro Deo.
