Asina Aruba Lions Club a celebra nan di 75 aniversario

ORANJESTAD (AAN): Dia 29 di September, 2022 Aruba Lions Club a cumpli 75 aña sirbiendo comunidad di Aruba.

   Dianan 28, 29 y 30 di September, 2022 tabata yena cu actividad pa nos miembronan, invitadonan local y international y nos Life membernan.

Lions di nos Districto MD 35N: Florida, The Bahamas, Aruba, Bonaire y Curaçao, entre otro Past International Director, Governor, Club President y diferente officialnan halto di Lions Club International a bin hunto aki na Aruba pa celebra e logro importante aki.

   Actividadnan a tuma lugar na diferente lugar, a hiba nos invitadonan international pa un rond trip, a haci un donation na FAVI, a bishita Gobernador y Prome Minister di Aruba.

   Tabata tin un ceremonia official cu speakers directamente for di Lions Club International, reconocimento y gradicimento na diferente miembro a tuma lugar,

culminando cu un Gala Night den Ballroom di Boulevard Events, caminda nos miembronan y invitadonan por a disfruta di un anochi bailando ariba tono musical di Azucar Band.

   Den nomber di President Actual Sr. Rubin Ponson y tur Board members, Aruba Lions Club ta gradici tur comerciante y miembronan cu a contribui pa e celebracion aki por a tuma lugar y ta sigura comunidad di Aruba, cu nos miembronan ta cla pa traha hopi aña mas pa sirbi comunidad.

   “Caminda tin necesidad, eynan bo ta haya Aruba Lions Club”.