Asina a observa Spirit week na Filomena College MAVO

ORANJESTAD (AAN): Siman pasa e alumnonan di Filomena College MAVO tabata permiti di tin un vestuario diferente cu nan uniform di scol.

   E intencion ta pa trece y  promove union bao di e poblacion escolar. Alumnonan a tuma e siman na serio y a bini den nan miho trahenan creativo. E regla si tabata cu e creatividad mester a keda decente.

   E temanan di cada dia tabata diferente.  Pa Dialuna: pintor.  Pa Diamars: bisti na bo materia favorito.  Pa Diaranson: Christmas fantasy.  Pa Diahuebs: One color dress.  Pa Diabierna: Anything but a bag.

   Algun biaha pa aña Filomena College MAVO ta bini cu e proyectonan aki tambe pa stimula e talento creativo di su alumnonan.