Aruba tin rond di 24 risico cu por sosode den caso di calamidad pa cual cada organisacion mester traha nan plan di emergencia 

Segun Bureau Rampenbestrijding Aruba

 * Temporada di horcan cu ta di 1 di juni pa 30 di november pa cual Aruba mester ta prepara 

ORANJESTAD (AAN):  Manera ta conoci, Aruba a participa den e di 12 training regional anual di tsunami, Caribe Wave 23, a tuma luga riba 23 di maart 2023. Grupo di coordinacion intergubernamental di UNESCO/IOC pa cu tsunami y otro peligronan costero pa cu Caribe a coordina e training aki.

            Bureau Rampenbestrijding Aruba (BRA) a trece dilanti un resumen riba con e training aki a bay y kico a keda constata. 

Puntonan di atencion:

            Te ainda ta confronta personanan cu no ta mira e interes pa haci tipo di simulacronan asina. E personanan aki ta expresa cu ta perdemento di tempo, e no ta pasa nunca na Aruba, mi no tin e tempo awor ya cu mi tin otro compromiso etc.

            Dor di train por saca afo nos limitacionnan pero tambe mehora nos partinan fuerte pa den caso cu un situacion di crisis presenta. 

Recomendacion:

            BRA ta recomenda pa no ban warda pa te na Caribe Wave 2024 pa asina nos bolbe cuminsa haci nos preparacionnan necesario. Aruba tin mas o menos 24 risico cu por sosode pa cual cada organisacion mester traha nan plan di emergencia. Aruba ta confronta cu e fenomeno di mal tempo cual por crea daño dor di flooding, anualmente nos tin e temporada di horcan cu ta di 1 di juni pa 30 di november pa cual Aruba mester ta prepara.

            No ban laga pa bo tin un plan di emergencia pa bo organisacion/departamento so pero tambe bo plan di emergencia pa bo famia na unda bo ta biba sea bo cas of apartamento etc.

            Mirando cu nos ta un isla nos mester ta prepara pa cualkier eventualidad ya cu nos no sa con e situacion di nos airport y waf lo keda pa asina nos por ricibi ayudo di exterior.

            Cada cas di famia mester cuminsa traha riba nan pakete di emergencia no pa 72 ora manera ta wordo recomenda internacional por di parti di BRA ta recomenda pa esaki ta pa 10 dia. Dicon 10 dia ta pasobra ora pasa por ehempel un tsunami of horcan mester laga haci e inspeccion necesario pa asina wak entre otro e pista di airport si avionnan por baha y tambe e wafnan caminda cu si barconan por drenta sin cu nan ta ricibi daño.

            Manera e dicho ta bisa actua awor pa despues no tin cu lamenta.

            Si cada persona ta prepara y sa kico pa hasi den e situacion di emergencia/crisis nos lo yuda na scapa hopi bida aki na Aruba.

            Manera a wordo anuncia cu pa 2025 tur organisacion/ departamento gubernamental y semi gubernamental mester tin nan plan di emergencia. por comunica via mail This email address is being protected from spambots. You need JavaScript enabled to view it. pa asina haya e fechanan di e training di planner cu lo tuma luga den 2023 caminda cu lo haya training con pa yega na bo plan di emergencia.

            Adhunto algun potretnan di e training pero tambe por wak algun videonan riba e facebook di Bureau Rampenbestrijding Aruba