Aruba ta gana Corsow 6-0 den e CFU Challenge Series na Santo Domingo

ORANJESTAD (AAN)- Dialuna atardi tabata tin e di dos wega pa e team di Aruba Girls U14 cu ta compitiendo den e campeonato di CFU Challenge Series na Santo Domingo.

E team di Aruba dialuna atardi a enfrenta e team di Corsow, caminda e hobennan a hunga un tremendo partido y asina gana cu e score di 6 pa 0.

Pa Aruba e goleadornan ta Ellen de Jong y Bindiya Wadhani cu dos gol y Michaela Netto y Alyssa Bernabela cu 1 gol.

Aruba ta na prome lugar despues di dos wega gana,y ayera tardi nan tabata prepara pa enfrenta e team di Sint Kitts and Nevis.

E team di Aruba a haya hopi elogio cerca e otro equiponan mirando cu ta pa prome biaha Aruba ta den un torneo di ta magnitud y caminda nan a demostra di ta un contrincante fuerte pa e otro teamnan.