Banco di Caribe a haci donacion un biaha mas di tas di scol y articulo na Musica Por Educacion

ORANJESTAD (AAN) E aña aki no tabata un excepcion! Banco di Caribe a entrega 25 tas di scol completamente yen.

Pa di 9 aña consecutivo Caliente 90.7 FM ta organisa e radiothon pa recauda material di scol pa muchanan di menos recurso.

            Manera ta conoci, e dianan ta acercando pa nos muchanan bay scol bek. Lamentablemente pa motibo di pandemia hopi mayor a perde trabou y no tin e recursonan. Esey mes ta haci cu e radiothon di Caliente 90.7 FM a resulta un iniciativa masha exitoso atrobe.

            Banco di Caribe ta aplaudi e iniciativa di Caliente 90.7 FM y ta uni su mes na tur esunnan cu a haci un donacion. Sr. Giovanni Croes, director di Banco di Caribe ta comenta, “Nos tin empatia pa tur mayor cu a perde nan trabao y ta desea nan hopi forsa pa sigui padilanti. Nos sa cu e situacion ta hopi dificil pa nan cumpra e articulonan di scol, ta p’esey nos contribucion.”

            Fundacion pa nos Comunidad  ta  e organisacion cu lo reparti  e materialnan colecta durante di e radiothon  na  e muchanan di menos recurso.

            Banco di Caribe ta desea tur mucha un feliz aña escolar 2021/2022.

Riba foto adhunto por mira director di Banco di Caribe Sr. Giovanni Croes, hunto cu Sra. Sue-Lan Liao Jen entregando 25 tas completamente yen cu articulonan di scol na Sr. Juan Carlos Ventura director di Caliente 90.7 FM.