Aruba One Happy Island Lions Club cu invitacion na comunidad pa forma parti di e 'Lions 5K Fun Run/Walk'

ORANJESTAD (AAN):  Aruba One Happy Island Lions Club ta invita comunidad pa forma parti di e LIONS 5K FUN RUN/WALK 2.0, cu lo tuma luga Diasabra, 29 di maart 2025! 

            Si bo a registra y a cumpra bo ticket caba, tuma nota cu e fecha di e evento a cambia di 8 di februari pa 29 di maart 2025. Bo registracion ta sigui valido!

            E evento aki ta hopi mas cu un caminata of coremento—e ta un evento pa henter comunidad diberti y duna sosten na proyectonan importante manera empoderacion di hubentud, combati hamber, vision, concientizacion riba e malesa di diabetes, proteccion di medioambiente y ayudo humanitario.

Kico bo por spera?

- Un 5K Fun Run/Walk energetico

- Hopi wega y actividadnan divertido
- Premionan fantastico pa participante
- Un ambiente di amistad y familiar!

Con bo por registra?

- Via e link di evento
- Scan e QR code
- Via un miembro di Aruba One Happy Island Lions Club

            No perde e oportunidad pa move bo curpa, pasa un rato agradabel y contribui na nos comunidad. Convence bo amigonan, famia y colega y yuda nos haci e evento aki mas grandioso y exitoso cu aña pasa!

Distribucion di T-shirt: Sandra’s Garden, Diasabra, 22 di Maart 2025 | 4:00 PM – 6:00 PM