Anastasia van Daal ta completa su stage na Comite Olimpico Arubano

ORANJESTAD (AAN):   Comite Olimpico Arubano a informa cu Anastasia van Daal ta logra finalisa

su stage despues di 5 luna di stage unda a traha riba su tesis “Enhancing Governance and Leadership in sports federations affiliated to the Aruban Olympic Committee”.

            Banda di esaki, a brinda apoyo den organisacion di varios curso di Direccion di Desaroyo di COA, bou di liderazgo di Sr. Patrick Werleman. Anastasia ta den proceso di rond af su bachelor den “International Sports Management” na Haagse Hoge School.

            Durante su tempo na COA, Anastasia a mustra di ta un bon team player, apoyando varios proyecto di COA ademas di forma parti di e procesonan diario di Direccion di Deporte, na nivel adminstrativo y organisatorio. Den cuadro di e Direccion di Desaroyo, e la yuda cu organisacion di e “Capacity Building Training”, unda a prepara 11 workshop y a percura pa tur cos cana debidamente.

            Na final, Anastasia a conduci un encuesta, unda a haci hopi pregunta importante y relevante pa cu su tesis y e desaroyo di e federacionnan deportivo na Aruba. Esaki a yuda COA hopi den prepara e siguiente cursonan pa asina sigui brinda apoyo na nos dirigentenan.

            COA ta gradici Anastasia pa su tremendo trabou na COA y ta desea tur tipo di exito den su carera profesional.