Aruba National Swimming Championships 2021 ta den full swing

ORANJESTAD(AAN): E dianan aki ta tumando lugar e asina yama Aruba National Swimming Championship 2021.

E caredanan di natacion ta tuma lugar na Piscina Olimpico Roly Bislik na Savaneta y ta di 3 pa 6 di Juni.

 E campeonato aki ta esun mas importante riba e calender annual di e Federacion Aquatico Arubano.

Ta bay tin caredanan den diferente categoria di edad y pa diferente distancia.

E ultimo version di e reglanan di FINA ta na vigor durante e campeonato aki di natacion.

E categorianan ta:

7-8 aña, 9-10 aña, 11-12 aña, 13-14 aña, 15-17 aña y 18 aña pariba.

Pa e competencia bay mas rapido, e caredanan ta bay tuma lugar den dos grupo, esta 10 aña bay abao y 11 aña pariba.