Aruba Lions Club su Smile Mobile poniendo sonrisa riba cara di nos grandinan

ORANJESTAD (AAN): Durante fin di siman, Aruba Lions Club su asina yama “Smile Mobile” tabata presente na Cento di Cuido San Nicolaas,

Huize Maris Stella na Savaneta,  San Pedro Paviljoen y Sint Micheal Paviljoen.

   Esaki ta un proyecto cu Aruba Lions Club tin pa varios aña caba unda ta bay drecha e planchanan di djiente di e grandinan den diferente centro di cuido.  Salud Bocal ta masha importante y pesey tambe Aruba Lions Club ta tuma e proyecto aki na serio y varios biaha durante aña ta sali cu e Smile mobile pa haci e bunita gesto aki.                          

   Varios miembro di Lions Club y Leo Club a pasa e dia ta combersa y compaña nos grandinan y tambe a hiba un treat pa e grandinan. Sigur un bunita proyecto unda cu nos grandinan a keda masha contento cu e gesto aki.

   Aruba Lions Club pa mas di 75 aña sirbiendo nos comunidad, keda pendiente pasobra e siguiente proyecto ta e Hungry Relief specialmente pa Dia di Mama.