Muchanan di St. Dominicus College a haya sa con pa planta mata

ORANJESTAD (AAN): Muchanan di 5de Klas di St. Dominicus College a haya sa mucho mas con pa yuda crea hardin na scol of na cas.

   E biaha aki, expertonan Randy y Ludwig di Santa Rosa a presenta na scol, pa asina siña nan con pa usa un poti simple pa asina planta simia di Boonchi di Cunuco.

   Esaki a wordo haci den colaboracion cu e docente di klas.  Di e forma ey den estilo di workshop, a mustra e alumnonan riba e seleccion di gordura, y con ta selecta, prepara, planta y cuida mata di Boonchi. Sigur e momento a yega pa stimula hobennan di trempan pa nan crece cu e interes y conocemento den e area importante aki.