Aruba Fashion Week ta habri Diahuebs cu ‘Winds of Fashion’

Aruba Fashion Week ta habri Diahuebs cu ‘Winds of Fashion’

ORANJESTAD (AAN): Aruba Fashion Week ta cuminsa Diahuebs 19 di november 2026 na Tierra del Sol Aruba by Iberostar.

Bou di e tema Winds of Fashion, e edicion di 10 aniversario ta reuni talento di Aruba y di exterior pa dos anochi di desfile di moda na aire liber, un showroom unda publico por cumpra moda, musica en bibo y setnan di DJ. E programa principal ta tuma luga di 19 te 21 di november.

   E celebracion ta cuminsa diahuebs pa 5’or di atardi cu e apertura oficial di e Showroom y un Sunset Fashion Session cu DJ V y Solar Plexus. Pa 8’or di anochi, e evento inaugural Winds of Fashion ta ricibi e invitadonan cu cocktail y un presentacion en vivo di Eli Demilion, sigui pa setnan di Ramiro Brett y e DJ invita internacional AuraA. Spectrum Experiences ta encarga cu e programacion di e Party Zone pa e anochi di apertura.

   Custo Barcelona di Spaña ta habri e pasarela diabierna 20 di november pa 7’or di anochi. E mesun anochi tambe lo presenta Carmen Steffens di Brasil, e marca global US Polo, Diego Guarnizo di Colombia y Eugenia Lemos di Chile. Artista y diseñadora arubano Elisa Lejuez ta cera e programa di desfile di e prome anochi.

   Diasabra 21 di november, diseñador Felipe Cartagena di Colombia ta habri e pasarela pa 6’or di atardi. E programa ta inclui tambe Alado y Lizeth Cueter di Colombia, e marca global Adidas, Alydia Wever di Aruba y Jorge Rey di Argentina. E marca Arubano Maison Ryon ta cera e programa di e dos anochinan di desfile.