Aruba Conservation Foundation treciendo e bario di Brigamosa hunto pa e Lora

ORANJESTAD (AAN):  Como bisiñanan cerca di Parke Nacional Arikok, e residentenan di Bringamosa tabata tin e privilegio

pa ta un di e prome nan pa mira e Lora bula den libertad como cu e Lora a cuminsa gara confiansa y explora pafo di areanan di naturalesa protehi.

            E anochi informativo tabata presenta pa nan Research & Conservation Manager, Giancarlo 'Gian' Nunes y nan Terrestrial Biodiversity Conservation Ranger, Roger Solagnier y tabata yena cu informacion valioso y un compromiso colectivo pa preserva e Lora.

            A comparti e trayectoria increibel di e Lora, for di nan yegada inespera te cu nan reintroduccion den Aruba su naturalesa despues di tabata extinto pa mas cu 70 aña. Residentenan tambe a siña con pa comporta nan mes ora di tende of mira e Lora, y a siña mas tocante plannan continuo pa mehora e Lora su habitat.

            Como un muestra di aprecio, Aruba Conservation Foundation a regala diferente mata di fruta na e comunidad pa planta den nan hardin, creando mas fuente di cuminda pa e Lora y otro especienan. 

Fuente: Facebook Page Aruba Conservation Foundation