Aruba Bank y Qredits Aruba ta premira un otro exitoso “Be Your Own Boss” durante 2024

ORANJESTAD (AAN): Durante e luna di januari, representantenan di Qredits y Aruba Bank

a forma parti di varios presentacion di ideanan nobo y innovativo cu futuro entrepreneurnan di EduCampus, Colegio Nigel Matthew y De Schakel College a presenta.

   Despues di a ricibi diferente materia brinda pa Qredits y Aruba Bank, studiantenan ta demostra di ta bon prepara pa e evento final. Ta hopi di admira pa mira con creatividad y teamwork ta sobresali y e entusiasmo entre e studiantenan ora nan ricibi feedback di representantenan di Aruba Bank y Qredits.

   E studiantenan nan ta cla pa presenta nan idea durante e final “Pitch Event”.

   Danki na tur studiante di EduCampus, Colegio Nigel Matthew y De Schakel College cu a forma parti di e presentacionnan, y tur docente cu ta forma parti tambe di e proyecto di “BOYB” di Qredits Aruba. Hopi exito cu e ultimo preparacionnan.