Aruba Bank ta titula sub campeon den 5 Kamp “Mens Erger Je Niet”  

ORANJESTAD (AAN): Aruba Bank ta orguyoso pa anuncia cu nan a gana e titulo di sub campeon den e 5 Kamp di competencia di “Mens Erger Je Niet LIVE” cu a tuma lugar recientemente.

   E evento a uni participantenan di tur departamento na Aruba Bank y e competencia a dura dos dia. Aruba Bank su team un biaha mas a demostra gran dedicacion y esfuerzo, y asina yega te na final.

   E banco ta sumamente orguyoso di nan team pa nan esfuerzo y determinacion. Aruba Bank ta gradici tur esnan cu a apoya e team y ta spera pa conta cu e mesun dedicacion durante “kickball” y “bowling”.