*Otro sindicatonan y lidernan di comunidad ta invita
ORANJESTAD (AAN)—Presidente di Sindicato TOPA, señor Alonso Tromp, den un entrevista cu DIARIO a duna di conoce cu desde cu e ta na cabes di Sindicato Topa, nan ta enfocando hopi riba enseñanza, y forma lidernan nobo.
Tromp a señala cu nan a crece no solamente den edad pero tambe den experiencia y tin cu zorg pa continuidad y muy en particular pa formacion di lidernan sindical nobo, locual ta hopi importante.
E lidernan sindical mester sa tur e leynan, y naturalmente con pa move den organiza den e pais, y aworaki por wak cu tin momentonan masha importante ta aparece door di Jayburtt Dijkhoff, un persona hopi serio y cu TOPA ta respeta profundamente, y el a haci un onderzoek unda cu puntonan cu TOPA a haya pa e curso cu e lo bay duna, ta bay encera, unda el a haci uso di rapportnan y tambe decisionnan di Huez, cu a tuma lugar den pasado. E ta biniendo cu e curso pa Aruba y otro sindicatonan tambe ta invita, y tambe otro lidernan di e comunidad, pa join e curso aki, cu ta un bon oportunidad.
“Tambe, Jayburtt ta un yiu di tera, el a haya oportunidad di studia, y awo e ta bezig ta comparti loke el a studia, y nos tambe, aki na Aruba”, Alonso Tromp a duna di conoce.
