Aruba Bank ta entrega e buki “Rene su dushi wega” na tur scol basico na Aruba

ORANJESTAD (AAN):  Aruba Bank ta sigui cu su compromiso cu educacion y lesamento door di patrocina e distribucion di Rene su dushi wega,

e buki nobo pa mucha skirbi pa Ruthy “Lady Ruth” Vrieswijk-Bergen.

            Como parti di e iniciativa aki, Aruba Bank a bishita Maria School, Colegio Ora Ubao y Rosario College, hunto cu Ruthy Vrieswijk e autora, pa entrega personalmente ehemplanan di e buki. Ruthy Vrieswijk a interactua cu alumnonan di tercer grado, compartiendo su amor pa conta storia y hasta a canta hunto cu nan durante e entrega oficial.

            E buki aki ta skirbi pa inspira mente nobo y promove amor pa lesa, mientras ta conta un historia calentor di curason cu ta capta e alegria di infancia y ta inculca balornan importante. Aruba Bank ta kere cu inversion den educacion ta un inversion den e futuro di Aruba, y cu e iniciativa aki, ta busca pa aporta na e desaroyo di lesamento riba henter e isla.

            Aruba Bank ta honra pa por stimula cultura di lesamento entre alumnonan chikito y ta keda continua na compromete na yuda educacion y desaroyo den nos comunidad.