Aruba Bank a tene exitoso sesion di informacion ‘Bo Cas’

ORANJESTAD (AAN):  Aruba Bank ta contento di comparti cu e comunidad di Aruba cu e "Bo Cas - Info Session" diasabra ultimo, a resulta den un exito grandi.

Den un atmosfera caluroso y informativo, hopi participante a tuma nan prome paso concreto rumbo na nan propio cas.

   E sesionnan, cu a tuma lugar riba 18 di april 2026, a atrae un cantidad impresionante di futuro doñonan di cas, tur yen di entusiasmo y preguntanan. E formato unico di e dia cu a cuminsa cu un sesion informativo cu un total di 4 presentacion y a sigui cu consulta personalisa 1-on-1 cu nos Mortgage Advisors, a duna cada participante e oportunidad pa compronde exactamente kico ta necesario pa tuma e prome paso rumbo na un cas propio.

   "Tabata increiblemente satisfactorio di mira cuanto hende a registra, tur ta comparti e soño di tin nan propio cas y a sali cu un plan concreto," a bisa un representante di Aruba Bank. "Esaki ta exactamente e tipo di impacto cu nos tabata spera cu e “Bo Cas - Info Session."

   Participante a ricibi informacion valioso tocante e proceso di hipoteca paso pa paso, rekisito y documentacion necesario, opcionnan di hipoteca disponibel na Aruba Bank y seguronan necesario (tambe obtenibel via Aruba Bank), informacion valioso y practico di diferente notarionan cu a participa: C.A. (Carine) Rafine- LL.M., LL.MLeg, Notaris na NewLeaf Notary, Mayrène Marugg – Helmeyer- LL.M., Notaris na Helmeyer Notary, y Cyrielle de Nobrega- LL.M., Kandidaat notaris na Johnson Notary Services.

   Pa clausura a presenta un sesion inspirativo di interior designer Tarita Riley di BuiltFix Group. Despues di cada sesion, participante a ricibi conseho personalisa adapta na nan situacion individual.

No por a asisti? Nos tey pa atendebo!

   Pa esnan cu no por a asisti e “Bo Cas - Info Session”, e oportunidad pa tuma e prome paso ainda ta disponibel. Bishita nan website pa Haci un cita via nos E-Appointment; facil, rapido y na bo conveniencia.  Of conecta cu un di nos Mortgage Advisors.  Ademas, durante e periodo di campaña, aplicable te cu 31 di juli 2026, clientenan cu firma un contrato di hipoteca tin chens pa gana 10 mil of 15 mil Florin.

   Aruba Bank ta keda comprometi pa guia bo paso pa paso, for di e prome pregunta te cu e momento special cu bo haya e yabi di bo propio cas. “Bo Cas, Tuma e Prome Paso Awe!” Bishita: www.arubabank.com/bo-cas

Pa mas informacion tocante termino y condicionnan di e campaña, bishita e website ariba menciona.