Aruba Bank a sostene exitoso evento di Dera Gay un biaha mas na Sport Boys

ORANJESTAD (AAN): E organizacion di Sport Boys na Angochi, a organisa e celebracion di Dera Gay cu ta tuma lugar anualmente, un celebracion colorido di nos cultura y e tradicion Arubano.

   E evento cu ya tin hopi aña di existencia a uni comunidad pa honra un di e custumber nan mas iconico di e isla a traves di baile, actividadnan y e union cultural.

  Aruba Bank ta orguyoso pa patrocina e premionan pa e evento, afirmando su compromiso continuo door di aporta na nos cultura y desaroyo di comunidad.

  Door di patrocina evento manera celebracion di Dera Gay, Aruba Bank ta tuma un rol activo den realisa celebracionnan pa tradicionnan nacional y asina sigura cu nan keda biba den nos y futuro generacionnan.

  Aruba Bank ta reconoce e importancia di preserva y stima e identidad cultural di Aruba. Nos patrocinio ta refleha nos dedicacion, no solamente na crecemento economico, pero tambe na e bienestar social y cultural di nos comunidad.

  Aruba Bank ta felicita e organisador, participante y tur persona cu a contribui pa logra un celebracion di Dera Gay exitoso.