ORANJESTAD (AAN): Aruba Bank ta celebra cu gran exito e 52 edicion di Festival di Dande Adulto, cu a tuma lugar dia 29 di december 2024 na Club Caiquetio.
E evento, cu tabata completamente gratis pa publico, a uni e comunidad pa honra e tradicion di Dande, mostrando e cultura vibrante y e herencia musical di Aruba.
Jason Kelly a wordo corona como Rey di Dande, mientras cu Mary-Jane Vrolijk a gana e titulo di Reina di Dande. Den categoria di Propio Composicion, Sabor Criollo a sali victorioso cu nan composicion emociona, mientras cu Tipico Stimami a tuma e premio mas halto den e categoria di Festival Tipico.
Aruba Bank ta honra pa a forma parti di evento iconico, cu a celebra e legado cultural unico di Aruba. Nos ta extende un pabien na tur ganadornan, participante y organisadornan pa nan dedicacion na preserva nos tradicion aki.
https://diario.aw/categories/noticia/general/aruba-bank-a-forma-parti-di-e-52-edicion-di-festival-di-dande-adulto#sigProId6dcac3bc92
