ORANJESTAD (AAN): Riba e ultimo fin di siman di 2024, esnan di Santa Rosa a manda un mensahe caminda nan ta spera cu e
aña venidero lo bay ta aun mihor pa tur agricultor, criado, piscado, y apicultor, y tambe pa pueblo.
Nan a splica cu 2024 tabata un aña di varios logro, pero cu toch tabatin su retonan. Nan ta indica cu tur esnan cu a planta mata y cria bestia, mester ta orguyoso cu a sobrepasa tur reto cu nan a topa cune, y a keda semper positivo y determina pa produci cuminda fresco pa e isla.
Pa 2025, nan ta spera cu e isla por wordo bendiciona cu yen di cosecha y cuminda fresco, y cu hopi mas productor activo lo bay yuda, pa asina hunto hiba e sector primario dilanti.
E potretnan aki ta di recien cosecha na Santa Rosa mes.
