ORANJESTAD (AAN): Siman pasa, e turista Phil James Coviello a fayece na Hartford Hospital na Connecticut na Merca, cu edad di 72 aña.
E ta casa cu Irene Carabase Coviello pa 38 aña.
El a traha henter su bida pa gobierno di estado di Connecticut den Departamento di Transporte, te cu el a retira y baha cu pensioen. Y aki ta unda cu el a cuminza busca forma pa viaha pa asina cumpli cu su placer principal di conoce lugarnan rond mundo, como tambe canta, y conta storia.
Phil y su casa Irene tabata gusta beach, y tambe crea memorianan cu ta keda pa semper den nan mente, y haci viahenan pa lugarnan den Caribe. Recien mes el a bin pasa vakantie di dos siman largo na Aruba, y na regreso tanto Phil como tambe su casa Irene a keda conta tur hende con nan a adora e viahe aki pa Aruba, y tur nan famia y amigonan a haya sa di esey.
Su entiero a tuma lugar den fin di siman cu a pasa.
