Aruba a logra 60% di inmunidad colectivo y ta yegando na e meta di 85%

ORANJESTAD (AAN):  E “Hangua nacional di vacunacion” ta indica cu Aruba ta ariba BON CAMINDA pa RECUPERACION!!!

A logra 60% di “Herd Immunity”, inmunidad colectivo (of di grupo). Ta combatiendo COVID-19 hunto y ta yegando na e meta cu ta 85% di inmunidad colectivo.

Falta 25% so, ban sigui vacuna; probecha di e di dos edicion di e Vacunathon e fin di siman aki. Ban logra hunto pa Aruba por progresa y recupera y finalmente ‘move on’!

Corda cu vacuna ta un acto di solidaridad y responsabilidad conhunto. NIUN por keda atras.

Cifranan di Departamento di Salud ta mustra cu te diahuebs 20 di Mei pa 7:30 pm un total di 58,951 persona a vacuna na Aruba.

A haya e prome dosis 19,991 y a keda cla cu e di dos dosis un total di 38,960 persona.

Na total a aplica 97,911 vacuna. 

Awor ta preparando pa e Vacunathon, e di dos edicion cual ta e fin di siman aki. Ban logra 'herd immunity' di 85%.