Artistanan hubenil a haya oportunidad pa presenta cancionnan cultural den “Bos y Baile Bunita 2025”

ORANJESTAD (AAN): Hunto cu Stichting Klein Aruba, Addonsito Croes tabata e MC di un anochi cultural riba e escenario di Paseo Herencia, Aruba.

E anochi titula Bos y Baile Bunita 2025, a fungi como un plataforma cultural brindando e artista hubenil e oportunidad di presenta nan cancionnan cultural of di navidad na Papiamento di 2025.  

E artistanan hubenil cu a presenta tabata Carolyne Kock & Dancers, Thyara Doornkamp & coro Bos Alegre, Kitai de Jongh, Dayenne Croes, Diamond Dancers & Kids, Jean Paul Rapista, Hailey Koolman y Lizienne Webb. E Dj tabata “Niño”.

Na final cada artista a ricibi un cariño como recuerdo di a participa den e evento aki.

 Stichting Klein Aruba y Addonsito Croes ta gradici tur mayor, VNO Aruba, Magic 96.5 fm, Paseo Herencia, The Helpdesk, Dylan Fingal, Mieckey Gravenhorst y Lucky Store p’e sosten y regalo brinda na cada hoben cantante of bailarin.