FPNM ta invita comunidad henter pa participa den e ‘Christmas Challenge’

ORANJESTAD (AAN): Den cuadro di Dia Internacional di Derecho di Mucha, e Siman di Lantamento di Mucha y e temporada tan spera di Pasco,

Fundacion Pa Nos Muchanan ta presenta nan ‘Christmas Challenge’ un bes mas cu yama “12 Dia di Gratitud.” E meta di e Christmas Challenge aki ta pa recauda diferente articulo di alimentacion pa famianan den necesidad.

E challenge ta parti den 12 dia, unda cuminsando for di 1 te cu 12 di december ta hinca un articulo (comestibel) den un caha di gratitud. Ora cu e caha ta yen, ta regala esaki na un famia den necesidad. E intencion ta pa haci esaki na cas hunto cu bo famia.

E idea tras di e nomber “12 Dia di Gratitud” ta pa no solamente duna na un otro cu no tin, pero tambe pa reflexiona y duna gratitud pa loke abo y bo famia mes tin. Si bo ta desea di participa, pero no cononce un famia den necesidad, por tuma contacto cu nos na 699-8900/583-4247/588-0856 of email: This email address is being protected from spambots. You need JavaScript enabled to view it.

Por haci entregá di bo caha/basket di gratitud na:

FPNM riba diabierna 12 di December na Cumana 2 di 8am- 4:30pm of riba diasabra 13 di December na nos Drop Off Event entre 10am-5 pm na Hot FM Radio situa na Cayena Mall.

Despues di dia 13 di December nos lo inicia cu e reparticion di baskets pa famianan den necesidad y no lo tuma basket mas. Nos kier informa tambe cu e lista di articulonan ta un recomendacion, si ta desea di pone algo otro of algo adicional tambe ta posibel. Sigura cu articulo su fecha no a vence.

 FPNM ta invita comunidad henter pa participa den e ‘Christmas Challenge’ di “12 Dia di Gratitud.”

Un Comunidad, Un Curason, Un Actitud di Gratitud!