Artista local Paul Wong a inaugura bunita mural na San Nicolas

ORANJESTAD (AAN):  Dialuna anochi, na Artisa Gallery San Nicolas tabata tin inauguracion di un bunita mural cu a wordo traha door di e  artista local Paul Wong.

            Den presencia di publico, Wong a duna di conoce cu e idea tras di e mural tabata pa haci algo local. Algo diferente y apart. Pa esaki el a inspira den e escudo di Aruba, pero den su estilo, su forma di pinta, a bisa.

            E estilo di e muraya yama 'Mi forsa' y e lema cu el a uza ta 'No tin nada pa kibr'e', cu ta un strofa  di Himno di Aruba.

            El a laga sa cu a tum'e mas o menos un siman pa keda cla cu e mural. A laga sa cu e tin hopi mural na diferente parti di e isla y esaki por ta ta esun mas grandi cu el a yega di pinta.