ORANJESTAD (AAN): Esaki tabata Diaranson un momento di hopi orguyo pa ex-Ministro Ursell Arends.
El a splica cu hopi placer el a atende Diaranson e presentacion di NCRC y Stimson pa ricibi e resultado di Climate & Ocean Risk Vulnerability (CORVI) report.
Continuidad ta e yabi. Segun Arends, den nan ministerio previo, e team a move montaña pa sigura compromiso financiero y sosten di 15 stakeholder, ambos di sector priva y sector publico pa e raport akinan por bira realidad.
Awe, e fruta di nos cosecha ta sembra. Cu resultado di e CORVI awor Aruba por cuminsa diseña nos propio Climate Adaptation Roadmap. Ex-Ministro Arends a manda palabra di pabien na Aruba.
