Antonio Marcelino Robert a celebra su ultimo dia di trabou

Despues di sirbi Pueblo di Aruba pa 31 aña

ORANJESTAD (AAN): Hunto cu su famia y coleganan di Bureau Rampenbestrijding Aruba,  Antonio Marcelino Robert a celebra su ultimo dia di trabou. "Lino" a sirbi Pueblo di Aruba pa 31 aña y a traha na diferente departamento di gobierno, manera Postkantoor, C.E.A, Warda nos Costa y pa ultimo na BRA.

Ademas, prome cu el a bay, Lino a percura pa pasa tur su sabiduria y conocemento na su coleganan.

Danki "Lino", Aruba ta hopi agradecido cu bo dedicacion y passion cu bo tin pa a sirbi pueblo.  Awo ta ora di sigui celebra y disfruta hunto cu bo famia y sernan keri.