ORANJESTAD (AAN): Diadomingo cu a pasa, relaciona cu 100 aña di aviacion na Aruba, na Aeropuerto Internacional Reina Beatrix a tene un “Aviation Expo 2023”.
Durante e evento aki comunidad por a sera conoci mas di cerca cu e mundo di aviacion.
Wardacosta di Caribe Hulandes tambe tabata presente na e expo aki cu su avion DASH-8, cu un helicopter AW-139 y un boto Metal Shark caminda publico presente por a observa den e cabina di e avion di Warda Costa.
Sigur e interes den publico, specialmente di muchanan tabata algo valioso! Por bisa cu e dia aki ta hopi hoben a haya interes grandi di bay bira piloto of traha pa Wardacosta.
