Anochi di elegancia cu apertura di ‘Inspiration Beauty & Spa’

ORANJESTAD (AAN): Un cantidad di amigo, famia, cliente, y huespednan a acudi pa ta testigo di e apertura oficial di ‘Inspiration Beauty & Spa’. 

Un momento pa tur hende a topa cu e team di Inspiration, kendenan ta un grupo di profesional dedica cu ta traha pa semper suministra e mihor experiencia pa e clientenan, tanto femenino como masculino.  E lugar ta situa na Orange Plaza riba Avenida Nelson Oduber.

   Inspiration Beauty & Spa ta un Wellness Center completamente renoba, di e Inspiration Beauty Center di Claudia Cardenas.

   E apertura tabata un anochi di elegancia, unda e diseño y decor di mas impresionante a resalta.

   Ademas di beyeza, Inspiration ta ofrece Wellness y Spa, relahamento, den un espacio completamente renoba cu a wordo diseña pa inspira bo sentidonan, y eleva bo experiencia, cu Sauna, Jacuzzi, masashi di cabez, Foot-spa, masashi, cuido di cuero, y servicio di drecha cabey.  Bo ta drenta y descubri mesora e epoca nobo di Inspiration Beauty & Spa, unda beyeza ta topa cu serenidad.  Nan ta cla pa atende pueblo den un ambiente hopi aromatico.