Anochi di alegria y felicidad durante graduacion di Unit Service di EPB Oranjestad

ORANJESTAD (AAN): Recientemente a tuma lugar den Ballroom di EPB Oranjestad na Hato, e entregamento di diploma na e alumnonan di Unit Service cu a sa di logra finaliza nan examen y gradua. 

E lugar tabata bunita decora, y tur esey haci door di alumnonan di EPB mes.

   Esey ta loke Erwin Lopez, director a indica na comienzo di e anochi.  El a bisa cu esnan EPB mes a percura pa tur cos, esta pa sonido, pa entretenimento musical, pa decoracion, pa servicio di waiter y waitress, y tambe pa e catering.

   E anochi a bay den bon ambiente y tabatin sacamento di potret na cantidad di e alumnonan cu a presenta den nan mihor trahe pa asina recorda e momento aki pa semper.  Publico tabata aplaudi merecidamente e alumnonan ora di ricibi nan diploma.

   Den futuro cercano, publico tambe lo por bay huur e Ballroom di EPB aki pa fiesta, y cu tin plan pa hasta traha un entrada special banda pabao pa asina invitadonan por drenta mesora den e lugar.