Kiwanis Young Professionals Aruba ta celebra 10 aña existencia

Kiwanis Young Professionals Aruba ta celebra 10 aña existencia

ORANJESTAD (AAN)-  Riba un demanda grandi pa join Kiwanis Club of Palm Beach y duna bek na nos comunidad di Aruba e idea a nace pa presenta e concepto di un Kiwanis Club nobo pa districto 26.

Asina aki tambe na juli 2010 durante un reunion di comision di miembrecia y tambe educacion di Kiwanis Palm Beach a wordo dicidi pa recomenda Kiwanis Palm Beach pa explora e posibilidad pa organisa y inicia un Kiwanis Club nobo na Aruba.

            E idea pa funda un club di Kiwanis nobo a wordo presenta na e hunta di directiva di Kiwanis Palm Beach durante di un reunion na luna di augustus 2010 y e presidente di e tempo ey Mr. Patrick Melchiors a adopta e idea y e hunta di directiva a aproba pa institui un comision cu e unico proposito pa explora e idea pa un Kiwanis Club nobo pa Aruba. Asina tambe e comision a inicia pa cuminsa un club nobo.

            Di e diferente tipo di club nan cu por a wordo funda, durante reunion di comision dia 12 di januari 2011 a keda dicidi den comision cu lo inicia un “Professional Club”

Mirando cu a keda dicidi cu e edad di e miembro nan lo ta entre 25 te 40 aña a bin na e nomber       Kiwanis Young Professionals Aruba. Asina tambe 18 mei 2011 diferente miembro prospecto a wordo invita na YMCA pa un session di pregunta y contesta pa asina sa en detaye tur locual ta encera e club nobo di servicio na Aruba KIWANIS CLUB OF YOUNG PROFESSIONALS ARUBA. A sigui despues pa 25 mei 2011 cual fecha e eleccion official a keda hasi pa eligi e prome board di KYPA. Juni 25, 2011 tabata e fecha cu oficialmente e hunta di directiva di KYPA a wordo instala hunto cu tur e miembro nan oficialmente a ricibi nan pin.

            Nos ta 10 aña mas leeuw na unda cu durante e 10 aña aki e club a conoce hopi miembro oficial y otro nan cu tabata prospecto. Durante 10 aña cu masha hopi ora di servicio comunitario a wordo duna bek den forma di proyecto nan y tambe trabou nan comunitario.

            Durante e 10 aña aki tambe diferente ta e donacion nan cu a wordo hasi. Asina aki tambe durante e 10 aña aki tambe KYPA a percura pa crea lider nan nobo den comunidad y siña for di chikito kico kiermen duna bek na comunidad y asina tambe a crea K-Kids di Princes Amalia Basisschool.

            Durante 10 aña cu a transcuri KYPA a percura pa diferente session educacional y informativo pa su miembro nan. Tambe diferente miembro a tuma e oportunidad pa bishita diferente di e reunion nan internacional unda cu a sinja conoce hopi mas di otro club nan di Kiwanis y con e cultura den otro club nan den diferente pais ta.

            10 aña cu cada un presidente den nan aña respectivo a logra surpasa tur barera y asina completa cada aña kiwanistico. Cada aña cu a trece cu’ne su reto nan. Luna nan keto, pero luna nan super druk por medio di proyecto of evento pa recauda fondo.

            Cada un miembro cu nan caracter, pero cu un solo meta pa laga KYPA sobresali. KYPA awendia ta conoci pa su evento comunitario di Xmas in a Box durante fin di aña  tambe diferente otro proyecto cu nos ta hasi. Recien a cuminsa e proyecto di Art in a Bathroom cual ya caba tin demanda di mas scol basico cu kier ta parti di e proyecto aki.

            Sin duda anualmente KYPA ta participa na e K-ONE Day y tambe a yega di participa na Aruba Doet. Sigur tambe riba demanda tur aña tin e evento pa recauda fondo di “wine & sushi or tapas” cual su icono ta pa organisa esaki riba un diahuebs. Sigur tambe e evento di mas grandi cu ta anualmente dia 30 april. Pa KYPA por a yega na tur esaki nan hunto cu e president nan y miembro nan awe 10 aña mas leeuw sigur cu si KYPA kier reconoce e miembro nan cu tabata tey for di 25 mei 2011 te cu ja a celebra 25 di mei 2021. Esaki nan ta:

Sherellise Ras,             Brian Croes, Thayenne Lee, Bryan Nemecek,  Cindy Wernet, Randy Croes, Roselyn de Cuba.

            Durante e 10 aña nan miembronan for di 2011 te cu 2021 ta sumamente agradecido na tur e presidente nan cu a duna tur di nan tempo pa guia e club lo mas mihor posibel pa asina e aña aki por a celebra 10 aña di existencia.

            E presidentenan desde 2011 te cu 2021 ta lo siguiente:

Andre Kelly, Bryan Nemecek, Lay Hing Yee, Randy Croes, Carlos Lopez, Sherellise Ras, Rendel de Kort, Lativa Maduro, Brian Croes, Maurits Ras

            Naturalmente anja nan ta transcuri y un di e reto nan mas grandi ta keda tempo. Pa cu esaki tin varios miembro cu a retira for di e club y sigur tin hopi nobo acerca. Awendia KYPA ta conta cu un base di 32 miembro activo. E situacion cu ta pasando a afecta KYPA grandemente den tur sentido di palabra. Cu hopi firmesa, gana, loyalidad KYPA ta surpasando e momento aki.