AMC Unicon a lanza linea nobo di motorcycle AKT pa Aruba

ORANJESTAD (AAN): Un di e negoshinan preferi na Aruba pa cumpra artefacto electrico, muebles, y tambe electronica, awor ta cuminza suministra pueblo cu e mihor linea di Scooters y tambe Brommer pa e isla.

   AMC Unicon cu tin sucursal rond di e isla, a tene un happening special na e edificio principal di AMC Unicon riba Boulevard pa asina introduci oficialmente e linea di Scooter y Brommer, di e marca AKT.

   AMC Unicon ta orguyoso di e marca AKT aki.  Esey ta loke Robert Cristina, kende ta gerente di mercadeo di e compania a declara na DIARIO.

   Nan a cuminza bende Brommernan di AKT cu motor di 150cc, y tambe motor di 250cc.

   Fuera di esey, nan tin Scooters, tambe Motorcross Bikes, y City Cruiser.

   Segun Robert Cristina, e motorcyclenan aki di AKT ta obtenible na tur tienda di AMC Unicon, unda cu bo por cumpra nan hasta cu 0% Downpayment.  Si acaso bo kier pone Downpayment y despues paga poco-poco, esey tambe ta posible cu hopi flexibilidad.

   DIARIO a nota cu varios motociclista tabata presente na momento cu AMC Unicon a lanza e brommernan nobo aki.  Tur esaki lo tin respaldo pa servicio cu AMC Unicon ta ofrece.

   A ser splica, cu e prijs di e brommernan aki ta hopi atractivo y sigur ta yuda cu presupuesto di tur hende.

   Brommernan di AKT ta di bon calidad, tin diseño bunita y colornan yamativo.  AMC Unicon ademas di su edificio principal riba Boulevard, tin tambe sucursal na San Nicolas y na Dakota.