Alumnonan tambe ta sigui sostene Docentenan den nan walkout

ORANJESTAD (AAN): Diahuebs mainta pa di dos dia consecutivo, no tabatin les na Colegio Arubano den Vondellaan.

  Docentenan ta sigui protesta loke nan ta yama un trato inhusto cu nan Rector Tim Croes a ricibi for di President di Directiva di SVOA, esta cu a dune expulsion.

   E biaha aki, hasta alumnonan a bay sostene nan Rector y e docentenan cu a walkout pa di dos dia consecutivo.

   SVOA ta bisa mientras tanto Colegio Arubano ta habri, pero no por garantiza cu lo tin les.  Mientras tanto mayornan a start un campaña di firma pa core cu e Directiva di SVOA, cu den nan opinion tin un hende na cabez cu no sa nada di enseñanza.