ORANJESTAD (AAN): Joaquin van Trigt, Presidente di e Asociacion di Docternan di Cas (HAVA) a duna di conoce durante un conferencia di prensa cu 2021 tabata un aña basta dificil pa e docternan di cas, pero pa henter e sector di cuido.
E pandemia a trece retonan hopi grandi. Por ehempel, esaki a afecta nan presupuesto. Banda di esaki e recortenan den cuido ta sigui y AZV tambe ta bin cu un algun medida extra, a bisa,
Aunke tin retonan grandi ta purba di keda brinda un servicio cu ta accesibel, di un nivel halto. "Esey ta nos meta como HAVA na 2022, aunke tin e retonan pa purba toch di mehora e servicio di nos miembronan di docternan di cas", Dr. van Trigt a comenta.
Apesar di ta hopi druk a purba tambe di profesionalisa cu un 'beleidsmedewerker' den persona di Maribelle Tromp, ken ta asisti nan den tur cos cu tin di haber cu e trabao di e directiva y tin un PR Medewerker cu ta Soraida Wever, cu tambe cu ta bay bira nan vocero, Dr. Joaquin Van Trigt a duna di conoce.
Di su banda, Soraida Wever a agrega cu HAVA ta bezig cu e profesionalisacion di e comunicacion cu e publico en general cu hopi atencion pa e pashentnan mes.
