Alumnonan di scol como boluntario yudando Luna Foundation

ORANJESTAD (AAN): Aña nobo a cuminsa, y algun alumno di Colegio San Antonio MAVO na Santa Cruz, ta sigui aporta na comunidad mediante nan proyecto di trabao boluntario.

   Den fin di siman cu a pasa, Luna Foundation Aruba a ricibi varios di e ayudantenan boluntario aki.  Tabata un placer pa mira e hobennan local aki ta haci nan best pa cuida e animalnan cu tin na shelter di Luna Foundation.  Por a mira Xoe, Cyanne, Arxthon, y Javen.

   Directorado di Colegio San Antonio na keda encurasha e alumnonan pa sirbi comunidad. Asina tambe nan ta cumpli cu nan enseñansa catolico y ta mustra amor na nos prohimo.