Alumnonan di Scol Basico Xander Bogaerts cu nan meya di emocion

ORANJESTAD (AAN): E asina yama ‘Siman di Locura’ di Fundacion FADA a mustra di tabata un exito grandi atrobe.

   Durante e siman aki, a pidi alumnonan di scol pa haci algo pa asina yuda den concientizacion pa tur hende bisa NO na droga.  E biaha aki a enfoca riba algo cu tin di haber cu cine.

   Riba Dialuna cu a pasa, nan a pidi pa Bisa No na Droga doro di bisti un paña of articulo cora.  Riba Diamars a pidi tur hende bisti algo color neon.

   Riba Diaranson a pidi pa tur hende bisti un meya di emocion. Y por a nota cu alumnonan di Scol Basico Xander Bogaerts na San Nicolas.  Nan a yega scol cu nan meya special y hopi atractivo, pa asina participa den e campaña di FADA.

   E tabata algo cu a hala atencion di tur otro alumno, y asina tambe a papia riba e mensahe cu esaki ta manda.