Alumnonan di Mon Plaisir College Havo awo tin nan mesa di biyar

ORANJESTAD (AAN): Pa awor, Mon Plaisir College su seccion di Havo y VWO ta

situa den gran parti di e edificio di Dakota Shopping Paradise na Dakota.

   No obstante e limitacionnan di e edificio escolar aki, semper directiva di scol a traha duro pa crea espacio alegre y atractivo unda studiantenan por relaha, y goza di nan oranan liber na un forma saludabel.

   Y esey nan a logra recien, ora cu e scol a crea un Gameroom full airco, y cu hasta un mesa di biyar (‘billiard’) aden.

   Fuera di e mesa aki di biyar, nan tin tambe un mesa di Air Hockey, tambe un mesa di Table Tennis (‘ping pong’), un setup di tira hoops cu basket, y tambe tin un mesa di Foozball (futbol di mesa).

   DIARIO a compronde cu studiantenan ta sumamente contento cu nan como scol tin un Gameroom asina formidabel, pa asina nan no pasa laf den nan oranan liber, of durante pauze.  Palabra di pabien na directiva di scol cu e idea fenomenal aki.